Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

No images found!
Try some other hashtag or username

Բաժանորդագրվել

Email հասցե*

«Եկ Արցախ». Արցախյան շրջագայությունների մեկնարկը տրված է


Ամսաթիվ՝ 01/06/2016 Բաժին՝ Հարցազրույցներ և ելույթներ, Քաղաքականություն

Հարցազրույցս «Իրատես»-ին:
Արցախի Հանրապետության վարչապետի մամուլի խոսնակ Արտակ Բեգլարյանը ֆլեշ մոբ է նախաձեռնել, որի շրջանակում կոչ է անում մեր հայրենակիցներին նկարահանվել Արցախի որևէ տեսարժան վայրում կամ որևէ խորհրդանիշի հետ և կոչ անել ընկերներին արձակուրդի մի մասն անցկացնել Արցախում: «Եկ Արցախ» խորագիրը կրող ֆլեշ մոբը յուրատեսակ զորակցում է Արցախին:
«Իրատեսը» թեմայի շուրջ զրուցեց էքսկուրսավար ԴԱՎԻԹ ԳՐԻԳՈՐՅԱՆԻ և «One way tour» տուրիստական գործակալության տնօրեն ՄԱԹԵՎՈՍ ԲԱՐՍԵՂՅԱՆԻ հետ: Դավիթ Գրիգորյանը դեպի Արցախ եռօրյա զբոսաշրջային շրջագայություն է կազմակերպում ամռան ամիսներին: Սովորաբար տարին 5-7 այց է կազմակերպում: Փաթեթը մեկնարկում է մայիսից: Այս տարի եղանակային և այլ խնդիրների պատճառով Արցախ չեն մեկնել, բայց լիահույս է, որ Արցախը զբոսաշրջային ծրագրից դուրս չի մնա: «Քառօրյա պատերազմը ոչինչ չի փոխել, գնալու ցանկությունը մեծ է: Ասեմ, որ շատ օրհնված ու շատ պահանջված էքսկուրսիա է»,- ընդգծեց էքսկուրսավարը:

«One way tour» տուրիստական գործակալությունը անցյալ տարի գրեթե ամեն շաբաթ շրջագայություն է ունեցել դեպի Արցախ: «Փաթեթը գործում է մարտից մինչև հոկտեմբեր: «Անցյալ տարի մոտ 7 հազար մարդ ենք սպասարկել, որոնցից շուրջ 700-ը մեկնել են Արցախ»,- ասաց Մաթևոս Բարսեղյանը, նշելով, որ մինչև վերջին դեպքերը տարեցտարի հետաքրքությունը մեծանում էր: Քառօրյա պատերազմը խախտել է բնականոն հունը: Մարտից հետո դեպի Արցախ էքսկուրսիա չեն ունեցել: Մեկ-երկու էքստրիմի սիրահար արտասահմանցի զբոսաշրջիկներ են դիմել գործակալություն` Արցախ մեկնելու համար: Նրանց շրջագայությունը գործակալությունը կազմակերպել է:

«One way tour» միացել է «Եկ Արցախ» ֆլեշ մոբին: Առաջիկա էքսկուրսը նախատեսվում է հունիսի 3-ին: Տնօրենն ասաց, որ դեռ զանգեր չկան:
Քառօրյա պատերազմից հետո կարծես մեծ հոսք եղավ դեպի Արցախ: Թեև այն ժամանակ ինքնանկարները չէին խրախուսվում: Մեր այդ դիտարկման հետ զրուցակիցս չհամաձայնեց, ասաց, որ մի փոքր հատված էր հետաքրքրությունից կամ հայրենասիրական նկրտումներիվ ելնելով գնում ինչ-որ բան անելու: Մեծ հոսք որպես այդպիսին չի եղել: Արտակ Բեգլարյանի նախաձեռնությունը դրական է գնահատում, կարծում է, որ եթե մարդիկ տեսնեն հոսք կա դեպի Արցախ, շատերը գնում են, նկարվում, կհամոզվեն, որ խաղաղ է, և հնարավոր է իրենք էլ միանան ֆլեշ մոբին:

«Ինքնաբո՞ւխ էր ֆլոշ մոբի նախաձեռնությունը, թե՞ կար անհրաժեշտություն»` հետաքրքրվեցինք ԱՐՏԱԿ ԲԵԳԼԱՐՅԱՆԻՑ: «Թե մեկը կա, թե մյուսը, ինքնաբխությունը երևան է գալիս անհրաժեշտությունից»,- ասաց Արցախի վարչապետի մամուլի խոսնակը: «Նախաձեռնության հիմքում ավելի շատ նյութակա՞ն, թե՞ բարոյական զորակցումն է Արցախին» հարցին ի պատասխան ասաց. «Նյութական, որպեսզի ռազմական գործողությունները բացասաբար չանդրադառնան սպասարկման ոլորտի վրա: Իսկ բարոյական տեսանկյունից այդ այցը միասնականություն, աջակցություն ցույց կտա ողջ հայության կողմից, ինչպիսին տեսանք ապրիլյան օրերին: Բացի այդ, շատերը, ովքեր Արցախում չեն եղել, հնարավորություն կունենան ավելի անմիջականորեն ճանաչելու, որի արդյունքում ավելի սրտացավ կլինեն Արցախի խնդիրների հանդեպ: Անձամբ ինձ շատ մարդիկ ասում են, որ գալու են ընտանիքներով, խմբերով, գործընկերներով, մի քանի կազմակերպություններ որոշել են իրենց ամենամյա հանդիպումները, ֆորումները կազմակերպել Արցախում: Ֆլեշ մոբը բավական մեծ տարածում է գտել, բնականաբար, բոլոր արձագանքներից տեղյակ չեմ և չեմ կարող հստակ թիվ ասել»:
«Զբոսաշրջային կազմակերպություններում կարծես արցախյան շրջագայությունների մեկնարկը դեռ չի տրվում, գուցե, այնումենայնիվ, մարդիկ խուսափո՞ւմ են «հանգստի» այդ ձևից» հարցին անդրադառնալով` Արտակ Բեգլարյանը նկատեց. «Հաշվի առեք, որ շատերը Արցախ կգան առանց զբոսաշրջային գործակալության»:

Արմինե ՍԱՐԳՍՅԱՆ


Reddit

Պիտակներ՝ | |

Կույրը կարող է ոչ միայն դիվանագետ, այլ նաև՝ զինվորական լինել

10/10/2018 Բաժին՝ ՀրապարակումներՔաղաքականություն
Պարզվում է՝ այսօր ՀՀ կառավարության նիստում քննարկել են մի որոշման նախագիծ, որով ցանկանում էին իներցիոն կերպով ...Ավելին...

Փաշինյան-Ալիև պայմանավորվածության ադրբեջանական հնարավոր դրդապատճառները

01/10/2018 Բաժին՝ ՀրապարակումներՔաղաքականություն
Փաշինյան-Ալիև դուշանբեյան պայմանավորվածությունը, ընդհանուր առմամբ, դրական զարգացում է՝ առնվազն առաջին հայացքից ու կարճաժամկետ կտրվածքում (գլխավորապես որոշ ...Ավելին...

19-րդ դարում Շուշին ավելի շատ բնակչություն ուներ, քան Երևանը. հետաքրքիր փաստեր

23/09/2018 Բաժին՝ ՀրապարակումներՔաղաքականություն
• Վերջերս ընթերցեցի Ռուբեն Տեր-Գասպարյանի «Շուշի քաղաքը» գիրքը, որտեղ համապարփակ տեղեկատվություն կա 18-19-րդ դարերի և 20-րդ դարի ...Ավելին...

ԽԻՍՏ ԿԵՐՊՈՎ ՊԵՏՔ Է ՄԵԿԸՆԴՄԻՇՏ ԱՐԳԵԼՎԻ ԼԵԿՑԻԱՅԻ ԹԵԼԱԴՐՈՒԹՅՈՒՆԸ ՀԱՄԱԼՍԱՐԱՆՆԵՐՈՒՄ.

05/09/2018 Բաժին՝ Կրթություն և գիտությունՀրապարակումներՔաղաքականություն
Քանի որ կրկին սեպտեմբեր է, ու ես էլ պատրաստվում եմ վերսկսել իմ դասավանդումը համալսարանում, նորից հիշեցի ...Ավելին...

«Արցախի կույրերի միավորման» նախագահ ընտրվելով մեծ պատասխանատվություն եմ ստանձնել

25/08/2018 Բաժին՝ ԱյլքՀրապարակումներ
Այսօր տեղի ունեցավ Արցախի կույրերի միավորման համագումարը, որի կողմից ես ընտրվեցի կազմակերպության նախագահ: Պատասխանատու և դժվար պարտավորություն ...Ավելին...