Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

No images found!
Try some other hashtag or username

Բաժանորդագրվել

Email հասցե*

Սեփական օրինակով կարելի է պահանջել | վերլուծական artsakhtoday.com-ում


Ամսաթիվ՝ 06/09/2012 Բաժին՝ Հրապարակումներ, Քաղաքականություն

Մի քանի տարի է ՀՀ կողմից ԼՂՀ ճանաչման հարցը բուռն քննարկումների առիթ է դառնում, որին նոր թափ տվեց Սաֆարովի տխրահռչակ դեպքը: Կարծես թե այժմ ճանաչման կողմնակիցները բավականին շատ են՝ հաշվի առնելով տրված հարմար առիթը: Նրանց ընդդիմախոսները փորձելով խուսանավել՝ փաստարկում են, որ ՀՀ-ն չպետք է առաջինը ճանաչի ԼՂՀ անկախությունը:
Չժխտելով, որ Սաֆարովի դեպքով բավականին հարմար առիթ է տրվել մեզ ԼՂՀ անկախության հարցը բարձրացնել ոչ միայն ՀՀ-ում, այլ նաև այլ պետություններում՝ պետք է հստակորեն գիտակցենք, որ դա միանգամյա գործողություն է, հետևաբար, դրանից պետք է առավելագույն օգուտներ քաղենք և՛ կարճաժամկետ, և՛ երկարաժամկետ կտրվածքով: Միգուցե ՀՀ կողմից ԼՂՀ ճանաչման ընդդիմախոսները ելնում են ինչ-ինչ հաշվարկներից, որոնց համաձայն՝ ավելի հարմար առիթով կարելի է օգտագործել այդ գործիքը՝ ապահովելով ավելի բարձր արդյունավետություն, սակայն սպասել ԼՂՀ ճանաչման առաջին հերթին այլ երկրներից, հետո ՀՀ-ից, ոչ միայն քաղաքական միամտություն է, այլ նաև ազգային արժանապատվության անտեսում: Քաղաքական միամտություն կարելի է համարել, քանզի ոչ մի երկիր (այդ թվում և Հունգարիան) լուրջ չի համարի ԼՂՀ անկախության ճանաչման պահանջ/առաջարկը, քանի դեռ ՀՀ-ն իրենից առաջ դա չի կատարել, մանավանդ որ այդ առաջարկը հնչելու է ՀՀ կողմից: Ազգային արժանապատվության անտեսման տեսանկյունից էլ դիտարկելիս՝ և՛ արտաքին աշխարհի, և՛ ներազգային ու ներհասարակական շրջանակների մոտ առնվազն տարօրինակ ու վիրավորական կդիտարկվի ՀՀ կողմից ԼՂՀ անկախությունը առաջինը չճանաչելու հանգամանքը:
Մյուս կողմից բոլորս պետք է քաջ գիտակցենք, որ ՀՀ կողմից ԼՂՀ անկախության ճանաչումը, առանց դրանից բխող երկարաժամկետ պտուղների, ՀՀ-ին կզրկի տվյալ խաղաքարտը օգտագործելու հնարավորությունից: Այդ պատճառով, կարծում եմ, ամենաօպտիմալ տարբերակը այն է, որ ներքին բանակցությունների և խորհրդակցությունների արդյունքում ՀՀ-ն երբ համոզվի, որ այլ երկրներ ևս պատրաստ են ԼՂՀ-ն ճանաչելու, առաջին քայլը ինքը կատարի՝ ճանաչելով ԼՂՀ անկախությունը և կոչ անելով համապատասխան երկրներին հետևել իր օրինակին: Հունգարիայի օրինակով դա կարող է լինել պետական պաշտոնյայի հայտարարություն ԼՂՀ ճանաչելու գործընթաց սկսելու մասին կամ հունգարական պառլամենտում համապատասխան նախագծի առաջ քաշում, որից հետո ՀՀ համապատասխան մարմինները ներքին հավաստիացումներ կստանան հունգարական կողմից ԼՂՀ-ն ճանաչելու պատրաստականության վերաբերյալ, նոր դրանից հետո ՀՀ-ն պաշտոնապես ճանաչի ԼՂՀ անկախությունը: Այդ գործընթացից հետո պետք է լծվել այլ երկրների կողմից ԼՂՀ ճանաչման հասնելու գործին, որի նախադրյալները Ուրուգվայում առկա են և, չեմ բացառում, որ Ուրուգվայն էլ հայտարարությունից ավելին չի կատարել հենց ՀՀ կողմից ԼՂՀ-ն չճանաչելու հանգամանքից ելնելով:
Պետք է ընդգծել, որ ԼՂՀ անկախության ճանաչման այս ռազմավարությունը վերաբերում է ոչ միայն ներկա պայմաններին, քանզի Սաֆարովի դեպքը ուղղակի նոր թափ տվեց այդ քննարկումներին: Իսկ ՀՀ կողմից ԼՂՀ անկախության ճանաչումը Սաֆարովի արտահանձնման ու ներման հավանական պատասխաններից միայն մեկն է ու ոչ պարտադիրը: Ելնելով այն հանգամանքից, որ արցախյան հակամարտության բանակցություններն ընթանում են բավականին փակ ձևաչափով, և, հետևաբար, բանակցություններում ուղղակիորեն ընդգրկված անձանցից բացի ոչ մեկ չի կարող ամբողջովին պատկերացնել բանակցային իրադրությունն ու հավանական ճանաչման հետևանքները՝ մեզ մնում է մնալ հավանական տեսություններ առաջարկողի ու երբեմն խորհուրդ տվողների դիրքերում՝ հույսներս դնելով բանակցային գործընթացի անմիջական պատասխանատուների դիվանագիտական հոտառության ու քաղաքական խիզախության վրա:


Reddit

Պիտակներ՝ | | |

Artsakh Ombudsman: Protection of Artsakh people's rights is more related to political issues | panorama.am

27/11/2018 Բաժին՝ English PostsՀարցազրույցներ և ելույթներՔաղաքականություն
Հայերեն տարբերակը՝ այստեղ: After the April war, Ruben Melikyan, who was appointed the Artsakh Republic Human Rights ...Ավելին...

Արցախցիների իրավունքների պաշտպանությունն ավելի շատ է կապված քաղաքական հարցերի հետ. Արտակ Բեգլարյան | panorama.am

26/11/2018 Բաժին՝ Հարցազրույցներ և ելույթներՔաղաքականություն
The English version: here. Ապրիլյան պատերազմից հետո Արցախի Հանրապետության մարդու իրավունքների պաշտպան նշանակված Ռուբեն Մելիքյանը հրաժարական տվեց ...Ավելին...

Lasting peace over Karabakh requires mutual dialogue, says ombudsman | tert.am

06/11/2018 Բաժին՝ English PostsՀարցազրույցներ և ելույթներՔաղաքականություն
Հայերեն լրիվ տարբերակը՝ այստեղ: If Armenia and Azerbaijan have a real desire to establish a lasting peace ...Ավելին...

Եթե ցանկություն կա երկար ժամանակով կարգավորելու ադրբեջանա-արցախյան հիմնախնդիրը, պետք է վերադառնանք հասարակությունների փոխշփումների. Արտակ Բեգլարյան | tert.am

06/11/2018 Բաժին՝ ՀրապարակումներՔաղաքականություն
The English short version: here. Հոկտեմբերի 31-ին Արցախի Ազգային ժողովի կողմից Մարդու իրավունքների պաշտպանի պաշտոնում ընտրված Արտակ ...Ավելին...

Raising citizens’ legal consciousness to be one of my goals, says new Ombudsman of Artsakh | armenpress.am

06/11/2018 Բաժին՝ English PostsՀարցազրույցներ և ելույթներՔաղաքականություն
Հայերեն տարբերակը՝ այստեղ: Newly-appointed Human Rights Defender of Artsakh Artak Beglaryan plans to meet with public officials, ...Ավելին...