Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

No images found!
Try some other hashtag or username

Բաժանորդագրվել

Email հասցե*

Հանդիպում նախագահի՞, թե՞ համայնքապետի՞ թեկնածուի հետ | վերլուծական artsakhtoday.com-ում


Ամսաթիվ՝ 09/07/2012 Բաժին՝ Հրապարակումներ, Քաղաքականություն

Հուլիսի 7-ին ԱՀ նախագահի թեկնածու և գործող նախագահ Բակո Սահակյանի թիմի հետ մեկնեցի Բերդաձորի ենթաշրջան, Լիսագոր, Քիրսավան, Քարին տակ և Շուշի քարոզարշավի ընթացքը և ժողովրդի տրամադրությունները դիտարկելու նպատակով:
Նախ՝ ուշագրավ է, որ Բակո Սահակյանը մեկնում է հանդիպումների բավականին սակավաթիվ ու համեստ թիմով, որի մեջ ընդգրկված են տվյալ շրջանի հարցերին ձեռնահաս ու շրջանում հարգանք վայելող մարդիկ: Թեև գյուղերում իր ելույթներում նախագահի թեկնածուն ուշադրություն էր հրավիրում գյուղական համայնքների զարգացման գլոբալ լուծումների (անասնապահության ու գյուղատնտեսության այլ ճյուղերի խթանում, երիտասարդության արտահոսքի կանխում, ծնելիության աճի խթանում) վրա, այնուամենայնիվ, հաշվի առնելով քաղաքացիների կողմից տրվող հարցերը՝ ընդհանուր առմամբ տպավորությունը այնպիսին էր, որ հանդիպումը ոչ թե հանրապետության նախագահի թեկնածուի կամ գործող նախագահի հետ էր, այլ իրենց համայնքապետի: Մեկ-երկու բացառությամբ բոլոր հարցերը առնչվում էին մանր կենցաղային կամ լավագույն դեպքում սեփական գյուղի ընդհանուր խնդիրներին: Ցավալի է, որ ընտրողների քաղաքական գիտակցությունը սահմանափակվում է այդքան լոկալ հարցերով, որոնց համալիր լուծումները կարող են տրվել գլոբալ ծրագրերի իրագործմամբ: Համայնքներից մեկում, որի նորակառույց դպրոցում այժմ ուսանում են 11 աշակերտներ, նախագահի թեկնածուն մտահոգություն հայտնեց աշակերտների սակավաթիվության համար՝ բնակչության աճի գրավականը տեսնելով գյուղի զարգացման մեջ: Բակո Սահակյանը պատրաստականություն հայտնեց աջակցելու Բերդաձորի ենթաշրջանում հիմնել անասնապահական ժամանակակից խոշոր ֆերմա: Մի կողմից ուրախալի էր, որ բոլոր գյուղերում ականատես էիր լինում նորակառույց կամ վերանորոգված մշակույթի պալատների, դպրոցների և տների, մյուս կողմից քաջ գիտակցում ես, որ նորակառույց դպրոցը կամ մշակույթի տունը չեն ապահովում նոր աշխատատեղեր, որոնք կախված չեն լինի պետական բյուջեից, ինչպես նաև երիտասարդությանը ետ չեն պահում ուրբանիզացիոն գործընթացներից: Այդ պատճառով, կարծում եմ, շատ ավելի արդյունավետ կլիներ, եթե նոր դպրոցների ու մշակույթի տների կառուցման փոխարեն այդ խոշոր միջոցները ուղղվեին տվյալ գյուղում տնտեսական նպաստավոր ներդրումներին, որոնք երկարաժամկետ կտրվածքով բնակչությանը կպահեին տեղում՝ ապահովելով աճ և զարգացում, իսկ մյուս կողմից էլ պետական բյուջեով սնվող աշխատատեղերի փոխարեն այդ ներդրումներով ստեղծված աշխատատեղերը կսնեին բյուջեն: Վերջին տարիներին իշխանությունները հաճախակի են խոսում գյուղատնտեսության ռազմավարական նշանակության մասին, սակայն հիմնական բացը, կարծում եմ, համապարփակ ռազմավարական ծրագրի բացակայությունն է, որով Արցախի ցանկացած անկյուն կդառնա գրավիչ իր պայմաններին համապատասխան ոլորտի ներդրումների համար:
artsakhtoday.com


Reddit

Պիտակներ՝ | |

Կույրը կարող է ոչ միայն դիվանագետ, այլ նաև՝ զինվորական լինել

10/10/2018 Բաժին՝ ՀրապարակումներՔաղաքականություն
Պարզվում է՝ այսօր ՀՀ կառավարության նիստում քննարկել են մի որոշման նախագիծ, որով ցանկանում էին իներցիոն կերպով ...Ավելին...

Փաշինյան-Ալիև պայմանավորվածության ադրբեջանական հնարավոր դրդապատճառները

01/10/2018 Բաժին՝ ՀրապարակումներՔաղաքականություն
Փաշինյան-Ալիև դուշանբեյան պայմանավորվածությունը, ընդհանուր առմամբ, դրական զարգացում է՝ առնվազն առաջին հայացքից ու կարճաժամկետ կտրվածքում (գլխավորապես որոշ ...Ավելին...

19-րդ դարում Շուշին ավելի շատ բնակչություն ուներ, քան Երևանը. հետաքրքիր փաստեր

23/09/2018 Բաժին՝ ՀրապարակումներՔաղաքականություն
• Վերջերս ընթերցեցի Ռուբեն Տեր-Գասպարյանի «Շուշի քաղաքը» գիրքը, որտեղ համապարփակ տեղեկատվություն կա 18-19-րդ դարերի և 20-րդ դարի ...Ավելին...

ԽԻՍՏ ԿԵՐՊՈՎ ՊԵՏՔ Է ՄԵԿԸՆԴՄԻՇՏ ԱՐԳԵԼՎԻ ԼԵԿՑԻԱՅԻ ԹԵԼԱԴՐՈՒԹՅՈՒՆԸ ՀԱՄԱԼՍԱՐԱՆՆԵՐՈՒՄ.

05/09/2018 Բաժին՝ Կրթություն և գիտությունՀրապարակումներՔաղաքականություն
Քանի որ կրկին սեպտեմբեր է, ու ես էլ պատրաստվում եմ վերսկսել իմ դասավանդումը համալսարանում, նորից հիշեցի ...Ավելին...

«Արցախի կույրերի միավորման» նախագահ ընտրվելով մեծ պատասխանատվություն եմ ստանձնել

25/08/2018 Բաժին՝ ԱյլքՀրապարակումներ
Այսօր տեղի ունեցավ Արցախի կույրերի միավորման համագումարը, որի կողմից ես ընտրվեցի կազմակերպության նախագահ: Պատասխանատու և դժվար պարտավորություն ...Ավելին...