Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

Բաժանորդագրվել

Email հասցե*

ԼՂՀ-ում էլէներգիայի սակագինը կթանկանա, բայց… Պարզաբանումներ ԼՂՀ կառավարությունից. հարցազրույց Araratnews.am-ին


Ամսաթիվ՝ 12/09/2015 Բաժին՝ Հարցազրույցներ և ելույթներ

Էլէներգիայի թանկացումների շղթան այս անգամ հասել է ԼՂՀ: Այսօր ԼՂՀ հանրային ծառայությունները և տնտեսական մրցակցությունը կարգավորող հանձնաժողովը համաձայնություն է տվել ԼՂՀ էլեկտրական բաշխիչ ցանցերը տնօրինող «Արցախէներգո» ընկերության համապատասխան հայտին՝ համաձայն որի 35 կՎ և բարձր լարմամբ սպառողները հոկտեմբերի 12-ից 1 կՎ ժամ էլեկտրականության դիմաց պետք է վճարեն 40 դրամ, գործող 32.85-ի փոխարեն: Ըստ հաստատված սակագների՝ փոխվելու է նաև բնակչությանը մատակարարվող էլեկտրաէներգիայի սակագինը: Այսպես, ցերեկային 41.85 դրամը կդառնա 49 դրամ 1 կՎ ժամի դիմաց, իսկ գիշերային սակագինը՝ 44 դրամ նախկին 36.85-ի փոխարեն: Նշենք, որ մինչ այս բարձրացումը ԼՂՀ կառավարությունը նշանակալիորեն սուբսիդավորել է բնակչության կողմից սպառվող էլեկտրաէներգիայի սակագինը:
Araratnews.am–ի թղթակցի հետ զրույցում ԼՂՀ վարչապետի մամուլի քարտուղար Արտակ Բեգլարյանը նշեց, որ այս անգամ ևս կառավարությունը սուբսիդավորման հատվածն իր վրա կվերցնի:
Մեր հարցին, թե ի՞նչ ժամկետներ են սահմանված սուբսիդավորման համար, Բեգլարյանը պատասխանեց.
«Մինչև հիմա սուբսիդավորում եղել է և որևէ ժամկետ հստակ նշված չէ: Բայց, օրինակ, հունիսին վարչապետն ասուլիսի ժամանակ հայտնել էր, որ եթե թանկացում լինի, ապա անհրաժեշտության դեպքում կառավարությունը կսուբսիդավորի սակագինը համապատասխան խմբերի համար, որպեսզի բնակչությունը սոցիալական ծանրություն չզգա»:
Այն դիտարկմանը, թե բնակչության որ հատվածի համար կսուբսիդավորվի սակագինը՝ մեր զրուցակիցը նկատեց. «Չգիտեմ այս որոշումից հետո որևէ բան կփոխվի թե ոչ, բայց կարծում եմ, որ սուբսիդավորումը կշարունակվի ամբողջ բնակչության համար»:
Ինչ վերաբերում է սուբսիդավորման աղբյուրներին, ապա սուբսիդավորումը կլինի պետբյուջեի հաշվին:
Թրղի-1 հիդրոէլեկտրակայան - «Արցախ ՀԷԿ» - Արտակ Բեգլարյան
«Պետբյուջեից բացի այլ միջոց կառավարությունը չունի: Մինչդեռ չի բացառվում, որ սուբսիդավորման որոշ հատված տրամադրվի նաև «Արցախ ՀԷԿ»-ից ստացվող շահույթից: «Արցախ ՀԷԿ»-ի ամենախոշոր բաժնետերը (մոտ 48 %) կառավարությունն է: Այն էլեկտրաէներգիա է արտադրում և վաճառում բարձր գնով, որի արդյունքում բարձրանում է ոչ միայն ՀԷԿ-ի, այլև կառավարության շահույթը՝ որպես նրա բաժնետեր»:
Էլէներգիայի սակագնի թանկացումներին սովորաբար հաջորդում են այլ թանկացումներ: Այս մասով Արտակ Բեգլարյանն ընդգծեց, որ այլ թանկացումներն անխուսափելի են, բայց դրանք հասարակության վրա զգալի ազդեցություն չեն ունենա: «Կարծում եմ՝ սա քիչ ապրանքների ինքնարժեքի վրա կազդի: Կառավարությունը կփորձի հնարավորինս մեղմացնել թանկացումները»,-նշեց նա:
Սակագնի թանկացման պատճառը պարզելու համար մենք խոսեցինք նաև ԼՂՀ Հանրային ծառայությունները և տնտեսական մրցակցությունը կարգավորող պետական հանձնաժողովի մամուլի խոսնակ Անի Նիկողոսյանի հետ:
Նա տեղեկացրեց, որ թանկացման խնդիր առաջացավ 2014-ի դեկտեմբերին՝ պայմանավորված դրամի փոխարժեքի արժեզրկմամբ:
««Արցախէներգո»-ն շատ գործարքներ դոլարով է կազմակերպում, բացի այդ էլ ՀԷԿ-երից ստացվող էներգիայի սակագինը դոլարով է հաշվվում, ուստի թանկացումն անխուսափելի էր»:
Հայաստանի վերջին տարիների փորձը ցույց է տալիս, որ էլէկտրաէներգիայի սակագինը գրեթե ամեն տարի վերանայվում և թանկանում է: Մեր հարցին, թե արդյոք սահմանված 7 դրամը վերջնակա՞ն է, չի՞ բացառվում, որ առաջիկայում սահմանված սակագինը բարձրանա՝ Նիկողոսյանը պատասխանեց.
«Սակագինը կախված է «Արցախէներգո»-ի պլանավորումից: Էներգոն սահմանում է սակագինը և դիմում մեզ, մինչդեռ ներկայումս մենք միայն սակագնի թանկացման 7 դրամի մասով հայտ ունենք»:
Վարդուհի Ստեփանյան


Reddit

Պիտակներ՝ | | |

Արտակ Բեգլարյան. Գլխավոր հաջողությունը մեր հայրենիքի սահմանների պաշտպանությունն է | scannews.am

21/02/2018 Բաժին՝ Հարցազրույցներ և ելույթներՔաղաքականություն
 Ղարաբաղյան շարժումը՝ 1988 թվականի փետրվարի 20-ը, հայ ժողովրդի միասնության, վճռականության և ազգային զարթոնքի ժամանակն էր, որը ...Ավելին...

Artsakh Ombudsman Appoints Beglaryan and DerGrigorian to New Posts | Armenian Weekly

06/02/2018 Բաժին՝ English PostsՀարցազրույցներ և ելույթներՔաղաքականություն
My comment to Armenian Weekly on my appointment. Artsakh Ombudsman (human rights defender) Ruben Melikyan has appointed ...Ավելին...

Կառավարությունից՝ Մարդու իրավունքների պաշտպանի աշխատակազմ

05/02/2018 Բաժին՝ ՀրապարակումներՔաղաքականություն
Օրերս, իմ դիմումի համաձայն, ազատվեցի պետական նախարարի խորհրդականի պաշտոնից՝ այլ աշխատանքի անցնելու կապակցությամբ: Դրանից հետո էլ ...Ավելին...

Արցախում օտարերկրյա ներդրումներով մի քանի աննախադեպ ջրամբար է կառուցվում՝ հիդրոէներգետիկայի արագ զարգացմանը զուգահեռ

30/01/2018 Բաժին՝ ՀրապարակումներՔաղաքականություն
Տարիներ առաջ Քաշաթաղի շրջանում մեկնարկած՝ 12 միլիոն խմ ծավալով ջրամբարի կառուցումն այս տարի կավարտվի, որի վրա ...Ավելին...

Հայացք Արցախին ներսից | հարցազրույց Փարիզի հայկական «Ayp FM» ռադիոյին (ձայնագրություն)

20/01/2018 Բաժին՝ Հարցազրույցներ և ելույթներՄուլտիմեդիաՔաղաքականություն
Ֆրանսիա այցիս շրջանակներում հյուրընկալվել էի նաև Փարիզում գործող հայկական «Ayp FM» ռադիոյում, որին տված հարցազրույցս եթեր ...Ավելին...