Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

No images found!
Try some other hashtag or username

Բաժանորդագրվել

Email հասցե*

Կուռքերի դարն անցել է, իսկ հերոսները լուրջ քննության առջև են կանգնած


Ամսաթիվ՝ 16/07/2018 Բաժին՝ Հրապարակումներ, Քաղաքականություն

Հերոսներ ու կուռքեր կերտելու և նրանց ֆետիշացնելու ճանապարհին պետք է հաշվի առնել ընթացիկ միջավայրն ու պայմանները: Մասնավորապես՝ տասնամյակներ ու հատկապես դարեր առաջ շատ ավելի հեշտ էր կուռք (առավել ևս՝ հերոս) կերտել ու պահպանել (երբեմն նաև բյուրեղացնել) այն, իսկ այժմ հերոսական կերպար կերտելը մնացել է դժվարության մոտավոր նույն մակարդակում (որոշ դեպքերում նույնիսկ ավելի հեշտացել է), սակայն այդ կերպարը պահպանելն է զգալիորեն դժվարացել՝ երկու հիմնական պատճառով՝
1. Մարդկանց բանական ու կրթական մակարդակն անհամեմատ աճել է, հետևաբար՝ շատ ավելի դժվար է զանգվածներին առասպելային փաթեթավորմամբ իրականություն (առավել ևս՝ կեղծ հիմքով դեպքերի պարագայում) մատուցելը և, հատկապես, տևական ժամանակով այդ իռացիոնալ ֆոնը պահպանելը:
2. Տեղեկատվական հոսքերը դարձել են շատ ավելի արագ (նույնիսկ՝ ակնթարթային), բաց, բազմակողմանի և դժվար կառավարելի: Արդյունքում օբյեկտիվ և սուբյեկտիվ տեղեկատվական միջամտությունների հետևանքով կրկին շատ դժվար է պահպանել հերոսի ու հատկապես կուռքի կերպարը:
• Օբյեկտիվ տեղեկատվական միջամտությունը տվյալ հերոսի/կուռքի հողեղեն վարքն է, որը չի կարող ամբողջովին զերծ լինել այս կամ այն չափի թուլություններից ու թերացումներից, որոնք, վերոնշյալ երկու հանգամանքներով պայմանավորված, գրեթե անհնար է սքողել հասարակությունից, ինչի արդյունքում աստիճանաբար (լավագույն դեպքում) փոշիանում է տվյալ հերոսի/կուռքի առասպելականությունը և սակրալությունը:
• Սուբյեկտիվ տեղեկատվական միջամտությունը տարբեր անհատների ու խմբերի բացահայտ սուտ, ճշմարտանման սուտ կամ ճշմարիտ բացասական կարծիքների ու տեղեկատվության դիտավորյալ կամ ակամա տարածումն է տվյալ հերոսի մասին, որոնք նույնիսկ եթե ըստ էության սուտ լինեն, միևնույն է՝ աստիճանաբար խարխլելու են հերոսի պատվանդանի հիմքերը, քանի որ հատկապես կրկնվող սուտը մոտենում է ճշմարտության մատույցներին:
ԵԶՐԱՀԱՆԳՈՒՄՆԵՐ
Ա. Քանի որ կուռք դառնալու համար, բացի «գերմարդկային» քայլ(եր)ի և դրա սակրալացված ընկալման առկայությունից, անհրաժեշտ պայմաններ են նաև այդ ընկալման տևականությունը և օբյեկտիվ ու սուբյեկտիվ տեղեկատվական միջամտությունների չեզոքացումը, իսկ դրանց ապահովումը գրեթե անհնար է իրավիճակի վերոնշյալ փոփոխության պայմաններում, այդ պատճառով կհամարձակվեի պնդել, որ կուռքերի դարն անցել է (բացառությամբ շատ փակ համակարգերից՝ օրինակ, Հյուսիսային Կորեայից):
Բ. Վերոնշյալ երկու պատճառներով պայմանավորված իրավիճակի փոփոխության արդյունքում հերոսները լուրջ քննության առջև են կանգնած, քանի որ ստիպված են դիմակայել և՛ օբյեկտիվ, և՛ սուբյեկտիվ տեղեկատվական միջամտությունների ազդեցությանը, որոնք ժամանակին չկային առնվազն նույն ուժգնությամբ, արագությամբ ու խտությամբ:
Գ. Եթե կենդանի հերոսը ցանկանում է տևական ժամանակով պահպանել իր հերոսական պատվանդանը, ապա պետք է ոչ թե փորձի իր առասպելականացված կերպարը համապատասխանեցնել իր վարքին և ցուցադրել դրա միայն ցանկալի կողմերը, այլ՝ իր վարքը համապատասխանեցնի զանգվածների կողմից ընկալվող հերոսական կերպարին՝ հնարավորինս զերծ մնալով հողեղեն մահկանացուին բնորոշ թուլություններից և թերացումներից: Այսինքն՝ հերոսի կերպարն ինքնին, ելնելով հասարակության կարծրատիպային ընկալումներից, գծում է սոցիալական վարքի հստակ սահմաններ, որոնք պետք է մշտապես հաշվի առնել ցանկացած սոցիալական հարաբերություններում:
Դ. Հերոս մնալու համար շատ ավելի քիչ մարտահրավերներ են ի հայտ գալիս հերոսականության գագաթնակետին կյանքից հեռանալու դեպքում, քան՝ կենդանի կյանքում, սակայն, բնականաբար, կենդանի կյանքում հերոս մնալն ավելի պատվաբեր է տվյալ հերոսի համար և արդյունավետ՝ հասարակության համար: Մյուս կողմից, կյանքից հեռացած հերոսի կերպարն ավելի խոցելի է սուբյեկտիվ տեղեկատվական միջամտությունների հանդեպ՝ ի վիճակի չլինելով արձագանքել իր մասին տարածվող բացասական կարծիքներին և տեղեկություններին:


Reddit

Պիտակներ՝ |

Artsakh Ombudsman: Protection of Artsakh people's rights is more related to political issues | panorama.am

27/11/2018 Բաժին՝ English PostsՀարցազրույցներ և ելույթներՔաղաքականություն
Հայերեն տարբերակը՝ այստեղ: After the April war, Ruben Melikyan, who was appointed the Artsakh Republic Human Rights ...Ավելին...

Արցախցիների իրավունքների պաշտպանությունն ավելի շատ է կապված քաղաքական հարցերի հետ. Արտակ Բեգլարյան | panorama.am

26/11/2018 Բաժին՝ Հարցազրույցներ և ելույթներՔաղաքականություն
The English version: here. Ապրիլյան պատերազմից հետո Արցախի Հանրապետության մարդու իրավունքների պաշտպան նշանակված Ռուբեն Մելիքյանը հրաժարական տվեց ...Ավելին...

Lasting peace over Karabakh requires mutual dialogue, says ombudsman | tert.am

06/11/2018 Բաժին՝ English PostsՀարցազրույցներ և ելույթներՔաղաքականություն
Հայերեն լրիվ տարբերակը՝ այստեղ: If Armenia and Azerbaijan have a real desire to establish a lasting peace ...Ավելին...

Եթե ցանկություն կա երկար ժամանակով կարգավորելու ադրբեջանա-արցախյան հիմնախնդիրը, պետք է վերադառնանք հասարակությունների փոխշփումների. Արտակ Բեգլարյան | tert.am

06/11/2018 Բաժին՝ ՀրապարակումներՔաղաքականություն
The English short version: here. Հոկտեմբերի 31-ին Արցախի Ազգային ժողովի կողմից Մարդու իրավունքների պաշտպանի պաշտոնում ընտրված Արտակ ...Ավելին...

Raising citizens’ legal consciousness to be one of my goals, says new Ombudsman of Artsakh | armenpress.am

06/11/2018 Բաժին՝ English PostsՀարցազրույցներ և ելույթներՔաղաքականություն
Հայերեն տարբերակը՝ այստեղ: Newly-appointed Human Rights Defender of Artsakh Artak Beglaryan plans to meet with public officials, ...Ավելին...