Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

No images found!
Try some other hashtag or username

Բաժանորդագրվել

Email հասցե*

ԽԻՍՏ ԿԵՐՊՈՎ ՊԵՏՔ Է ՄԵԿԸՆԴՄԻՇՏ ԱՐԳԵԼՎԻ ԼԵԿՑԻԱՅԻ ԹԵԼԱԴՐՈՒԹՅՈՒՆԸ ՀԱՄԱԼՍԱՐԱՆՆԵՐՈՒՄ.


Ամսաթիվ՝ 05/09/2018 Բաժին՝ Կրթություն և գիտություն, Հրապարակումներ, Քաղաքականություն

Քանի որ կրկին սեպտեմբեր է, ու ես էլ պատրաստվում եմ վերսկսել իմ դասավանդումը համալսարանում, նորից հիշեցի մի ցավոտ խնդիր մեր կրթական համակարգում…
Առ այսօր դեռ շատ դասախոսներ համալսարաններում ոչ թե դասավանդում են, այլ՝ թելադրություն են տալիս, ինչից մի բնական հարց է բխում. ի՞նչ տարբերություն դասախոսի և ցանկացած տառաճանաչ մարդու միջև, ով նույնպես կարող է բարձրաձայն կարդալ իր առջևի անգամ խունացած թղթերը:
Թելադրող դասախոսից տպավորություն է ստեղծվում, որ նա չի տիրապետում իր առարկային և դասավանդման գոնե պարզ մեթոդաբանությանը, ինչի պատճառով իր չիմացությունը հեշտորեն սքողում է իր կարգավիճակի և թելադրության վարագույրի հետևում: Բացի դրանից, դասաժամը վատնվում է անպետք մի գործողության վրա, որի փոխարեն դասախոսը կարող է լեկցիայի ընդհանուր պատկերը տալ և կոնկրետ գիտելիքներ ու հմտություններ սովորեցնել ուսանողներին, իսկ լեկցիան ու հարակից նյութերը տրամադրել ուսանողներին՝ տանը ծանոթանալու նպատակով:
Հատկապես արդի դարում, երբ բազմապիսի գրականությամբ լեցուն է համացանցը, աբսուրդ է ոչ միայն թելադրությունը, այլ նաև սեփական լեկցիայով ուսանողներին «բավարարելը»:
Կարծում եմ՝ Հայաստանի և Արցախի Հանրապետությունների կրթության նախարարությունները և համալսարանները պետք է կոշտ ձևով արգելեն լեկցիայի թելադրությունը՝ դրան զուգահեռ դասախոսներին սովորեցնելով դասավանդման արդյունավետ մեթոդներ: Համոզված եմ, որ նույնիսկ թելադրող դասախոսների զգալի մասը մասնագիտական առումով ընդհանուր առմամբ պատրաստ է նման անցման, պարզապես պետք է հեշտ տարբերակից (թելադրությունից) կտրել, և նրանք խթան կունենան իրենց վրա աշխատելու և ավելի արդյունավետ մեթոդներ կիրառելու: Իսկ դասախոսներից ովքեր չկարողանան առանց թելադրության դասավանդել, ուրեմն պետք է հեռացվեն կրթական համակարգից, դա իրենց տեղը չէ:
Ի դեպ, մի քանի երկրում կրթություն եմ ստացել կամ հետազոտություն կատարել (Մեծ Բրիտանիա, ԱՄՆ, Շվեյցարիա, Հունաստան, Չեխիա), և ոչ մի տեղ լեկցիայի թելադրության չեմ հանդիպել, փոխարենը դասախոսները բանավոր ներկայացնում են իրենց լեկցիան, իսկ ուսանողները ակտիվ նշումներ են կատարում, հարցադրումներով հանդես գալիս, իրենց գործնական աշխատանքները ներկայացնում, կարծիքներ հայտնում ու բանավիճում դասախոսների հետ:
Հ.Գ. այս երևույթի մեղավորներից են նաև ծույլ ուսանողները, որոնց համար «ձեռնտու» է լեկցիա գրելը և դրանով բավարարվելը, արդյունքում դասախոսն ու ուսանողը կրթության իմիտացիա են կատարում, ուրիշ ոչինչ, իսկ տուժողը ողջ հասարակությունն է՝ տվյալ ուսանողների գլխավորությամբ: Այնպես որ եթե ուսանողները իրոք ցանկանում են կրթություն ստանալ, պետք է իրենք պահանջեն դասախոսներից ու պատկան մարմիններից դադարեցնել թելադրությունը և որակյալ կրթություն տրամադրել:
ՈՒրախ կլինեի ներկա ու նախկին դասախոսների ու ուսանողների կարծիքները լսել այս խնդրի վերաբերյալ:


Reddit

Պիտակներ՝ | | |

Lasting peace over Karabakh requires mutual dialogue, says ombudsman | tert.am

06/11/2018 Բաժին՝ English PostsՀարցազրույցներ և ելույթներՔաղաքականություն
Հայերեն լրիվ տարբերակը՝ այստեղ: If Armenia and Azerbaijan have a real desire to establish a lasting peace ...Ավելին...

Եթե ցանկություն կա երկար ժամանակով կարգավորելու ադրբեջանա-արցախյան հիմնախնդիրը, պետք է վերադառնանք հասարակությունների փոխշփումների. Արտակ Բեգլարյան | tert.am

06/11/2018 Բաժին՝ ՀրապարակումներՔաղաքականություն
The English short version: here. Հոկտեմբերի 31-ին Արցախի Ազգային ժողովի կողմից Մարդու իրավունքների պաշտպանի պաշտոնում ընտրված Արտակ ...Ավելին...

Raising citizens’ legal consciousness to be one of my goals, says new Ombudsman of Artsakh | armenpress.am

06/11/2018 Բաժին՝ English PostsՀարցազրույցներ և ելույթներՔաղաքականություն
Հայերեն տարբերակը՝ այստեղ: Newly-appointed Human Rights Defender of Artsakh Artak Beglaryan plans to meet with public officials, ...Ավելին...

«Իմ նպատակներից է լինելու քաղաքացիների  իրավագիտակցության  բարձրացումը». Արցախի ՄԻՊ | Armenpress.am

06/11/2018 Բաժին՝ Հարցազրույցներ և ելույթներՔաղաքականություն
The English version: here. Արցախի Հանրապետության մարդու իրավունքների նորընտիր պաշտպան Արտակ Բեգլարյանը առաջիկա ամիսներին պատրաստվում է հանդիպել ...Ավելին...

Առաջին հարցազրույցս ՄԻՊ պաշտոնում՝ առաջնահերթություններ, բարեփոխումներ, տեխնիկական խնդիրներ ևն. Արցախի հանրային հեռուստատեսություն

02/11/2018 Բաժին՝ Հարցազրույցներ և ելույթներՄուլտիմեդիաՔաղաքականություն
Նոյեմբերի 2-ին հյուրընկալվել եմ Արցախի հանրային հեռուստատեսության «Օր լրատվական» հաղորդման ուղիղ եթերին՝ Մարդու իրավունքների պաշտպանի պաշտոնում ...Ավելին...