Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

No images found!
Try some other hashtag or username

Բաժանորդագրվել

Email հասցե*

ԵՄ-ի արցախյան «երգեր» Ռոմպոյի կատարմամբ | վերլուծական artsakhtoday.com-ում


Ամսաթիվ՝ 04/07/2012 Բաժին՝ Հրապարակումներ, Քաղաքականություն

Վերջին շրջանում ակնհայտ է Եվրոպական Միության՝ արցախյան հակամարտության կարգավորման ուղղությամբ հետաքրքրության աճը: Այս համատեքստում Եվրոպական Խորհրդի նախագահ Հերման Վան Ռոմպոյի ելույթը ՀՀ ազգային ժողովում ևս մեկ անգամ հաստատեց ԵՄ հետաքրքրվածությունն արցախյան հակամարտությունում:
Ելույթի ուշագրավ կետերից մեկն այն էր, որ Եվրոպական Խորհրդի նախագահը, ինչպես իր այլ կոլեգաներ նախկինում, խոսեց ԵՄ ցանկության մասին ազատ մուտք ունենալ Արցախի Հանրապետություն, սակայն սա դեռևս միայն հայտարարությունների մակարդակում է, ու առայսօր ոչ մի ԵՄ պաշտոնյա չի փորձել մուտք գործել Արցախ՝ թերևս կարծելով, որ կարիք ունեն ստանալ Ադրբեջանի իշխանությունների թույլտվությունը: Իհարկե, ԵՄ մասնակցությունը կոնֆլիկտի կարգավորման գործում կարող է արդյունավետ լինել երկու կողմերի համար, սակայն միայն Արցախ մուտքը չի կարող ապահովել այդ արդյունավետությունը, քանի որ ինչի վրա նրանք ցանկանում են աշխատել (այն է՝ փոխվստահության կառուցում) առաջին հերթին և մեծապես խոչընդոտվում է ադրբեջանական, ոչ թե հայկական կողմում: Այնպես որ ԵՄ-ը լուրջ խնդիր ունի օգնելու ադրբեջանական իշխանություններին ու ժողովրդին թոթափելու իրենց ագրեսիվ ու հայատյաց տրամադրությունները, ինչը ամենաապակայունացնող գործոնն է տարածաշրջանում:
ԵԽ նախագահի անդրադարձը վերջին շրջանում տեղի ունեցած բախումներին կարող է բնորոշվել որպես արհեստական չեզոքություն, քանի որ նա խուսափեց ագրեսիվ ու դիվերսիոն կողմին խաղաղության կոչ անելուց, այլ փոխարենը ուղղակի անհանգստություն հայտնեց դեպքերի կապակցությամբ: Ելույթում տեղ գտած հաջորդ հաղորդագրությունն այն էր, որ, ինչպես ԵՄ այլ բարձրաստիճան պաշտոնյաներ, Ռոմպոյը ևս վերահաստատեց ԵՄ աջակցությունը ԵԱՀԿ Մինսկի խմբի միջնորդական առաքելությանը՝ ԵՄ դերը տեսնելով վստահության կառուցման և վերականգնման աշխատանքներում:
Այսպիսով, պետք է նկատել, որ Ռոմպոյի ելույթը նորություններ չէր պարունակում Արցախյան հակամարտության կարգավորման գործընթացում ԵՄ դերակատարման վերաբերյալ և կրկնում էր իրենց հին «երգերը»:
artsakhtoday.com


Reddit

Պիտակներ՝ | | |

Կույրը կարող է ոչ միայն դիվանագետ, այլ նաև՝ զինվորական լինել

10/10/2018 Բաժին՝ ՀրապարակումներՔաղաքականություն
Պարզվում է՝ այսօր ՀՀ կառավարության նիստում քննարկել են մի որոշման նախագիծ, որով ցանկանում էին իներցիոն կերպով ...Ավելին...

Փաշինյան-Ալիև պայմանավորվածության ադրբեջանական հնարավոր դրդապատճառները

01/10/2018 Բաժին՝ ՀրապարակումներՔաղաքականություն
Փաշինյան-Ալիև դուշանբեյան պայմանավորվածությունը, ընդհանուր առմամբ, դրական զարգացում է՝ առնվազն առաջին հայացքից ու կարճաժամկետ կտրվածքում (գլխավորապես որոշ ...Ավելին...

19-րդ դարում Շուշին ավելի շատ բնակչություն ուներ, քան Երևանը. հետաքրքիր փաստեր

23/09/2018 Բաժին՝ ՀրապարակումներՔաղաքականություն
• Վերջերս ընթերցեցի Ռուբեն Տեր-Գասպարյանի «Շուշի քաղաքը» գիրքը, որտեղ համապարփակ տեղեկատվություն կա 18-19-րդ դարերի և 20-րդ դարի ...Ավելին...

ԽԻՍՏ ԿԵՐՊՈՎ ՊԵՏՔ Է ՄԵԿԸՆԴՄԻՇՏ ԱՐԳԵԼՎԻ ԼԵԿՑԻԱՅԻ ԹԵԼԱԴՐՈՒԹՅՈՒՆԸ ՀԱՄԱԼՍԱՐԱՆՆԵՐՈՒՄ.

05/09/2018 Բաժին՝ Կրթություն և գիտությունՀրապարակումներՔաղաքականություն
Քանի որ կրկին սեպտեմբեր է, ու ես էլ պատրաստվում եմ վերսկսել իմ դասավանդումը համալսարանում, նորից հիշեցի ...Ավելին...

«Արցախի կույրերի միավորման» նախագահ ընտրվելով մեծ պատասխանատվություն եմ ստանձնել

25/08/2018 Բաժին՝ ԱյլքՀրապարակումներ
Այսօր տեղի ունեցավ Արցախի կույրերի միավորման համագումարը, որի կողմից ես ընտրվեցի կազմակերպության նախագահ: Պատասխանատու և դժվար պարտավորություն ...Ավելին...