Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

No images found!
Try some other hashtag or username

Բաժանորդագրվել

Email հասցե*

Ադրբեջանն Արցախը դիտարկում է որպես տնտեսական մրցակից. ԼՂՀ կառավարության խոսնակ. հարցազրույց «Հայկական ժամանակ»-ին


Ամսաթիվ՝ 19/11/2015 Բաժին՝ Հարցազրույցներ և ելույթներ, Քաղաքականություն

«Հայկական ժամանակ»-ին տված հարցազրույցս:
Արդեն տեղեկացրել ենք, որ ադրբեջանա-ամերիկյան ֆորումի ընթացքում Ադրբեջանի էկոնոմիկայի և արդյունաբերության նախարարի տեղակալ Սահիլ Բաբաևը հայտարարել է, որ ամերիկյան ընկերությունները պետք է ձեռնպահ մնան Լեռնային Ղարաբաղում ներդրումներ կատարելուց: Ադրբեջանի էկոնոմիկայի փոխնախարարն ամերիկացի գործընկերներին առաջարկել է Լեռնային Ղարաբաղի փոխարեն ներդրումներ կատարել Ադրբեջանում: Սահիլ Բաբաեւի հայտարարության հետ կապված մենք զրուցեցինք ԼՂՀ կառավարության մամուլի քարտուղար Արտակ Բեգլարյանի հետ:  
-Պարոն Բեգլարյան, Սահիլ Բաբաևի հայտարարություններից հետո արդյո՞ք կնվազեն ամերիկյան ներդրումները:
 -Զարմանալի է, որ փոխնախարարն է նմանատիպ հայտարարություն անում: Մեր արևելյան հարևանները, կարծես թե, չգիտեն, որ նախագահի մակարդակով հորդորներն ավելի արդյունավետ են լինում, այն է՝ մարդիկ ավելի շատ են հետաքրքրվում Ղարաբաղով… Իհարկե, չեն նվազելու ներդրումներն Արցախում: Ավելին՝ այդպիսի հայտարարությունները որոշակի խթան են լինում օտարերկրյա գործարարների համար ավելի հետևողական լինել ներդրումներ կատարելու և շարունակելու հարցում: Հետաքրքիր է, որ փոխնախարարը կոչ է արել Ղարաբաղի փոխարեն Ադրբեջանում ներդրում կատարել. Դա արդեն նշանակում է, որ մեր խանդոտ «բարեկամները» Արցախը դիտում են որպես տնտեսական մրցակից ևս: Իմ անվճար խորհուրդը Բաքվի վերնախավին կլինի այն, որ սին կոչերի ու սպառնալիքների փոխարեն՝ բարելավեն իրենց ներդրումային միջավայրը, գոնե նվազեցնեն համակարգային կոռուպցիան և իջեցնեն գազի ու նավթի խողովակներից ծայրահեղ կախվածությունը, այլապես շուտով մնալու են իրենց տնտեսության փլատակների տակ:
 -Ի՞նչ ծավալի ներդրումներ է իրականացնում ԱՄՆ-ն ԼՂՀ-ում:
 -Արցախում ներդրումներ կատարում են տարբեր երկրների, այդ թվում՝ ԱՄՆ քաղաքացիներ: Սակայն առանձին հաշվարկ չունենք ներդրումների աղբյուրների մասով, այդ պատճառով դժվարանում եմ հստակորեն նշել ԱՄՆ-ից եկող ներդրումների ծավալը: Այնուամենայնիվ, ակնհայտ է, որ ներդրումների ընդհանուր ծավալի աճին զուգընթաց՝ աճում են նաև օտարերկրյա ներդրումները հանրապետությունում:
-Ներդրումների ծավալը նախորդ տարիների համեմատ աճե՞լ, թե՞ նվազել են:
-Ներդրումների ծավալը վերջին տարիներին անընդհատ զգալի աճ է գրանցում: Այս պահին դեռ հայտնի չէ 2015թ. ներդրումների ծավալը, բայց կարող եմ նշել, որ 2013թ. այն կազմել է շուրջ 64,5 մլրդ, իսկ 2014թ.՝ 77 մլրդ դրամ: Ամեն դեպքում, հաշվի առնելով ընթացիկ միտումները և այն հանգամանքը, որ 9 ամսվա դրությամբ գրանցվել է ՀՆԱ-ի 7.3 տոկոս աճ, կարող ենք ենթադրել, որ այս տարի ևս աճելու է ներդրումների ծավալը:


Reddit

Պիտակներ՝ | |

ԱՇԽԱՏԱՆՔԻՑ ՀԵՏՈ /ԱՐՏԱԿ ԲԵԳԼԱՐՅԱՆ/ 07.08.2018 | ԱՀ հեռուստատեսություն

08/08/2018 Բաժին՝ Հարցազրույցներ և ելույթներՄուլտիմեդիա
Արցախի հանրային հեռուստատեսության «Աշխատանքից հետո» հաղորդաշարի եթերում խոսում ենք իմ հետաքրքրությունների և ընտանեկան վերջին փոփոխությունների (հատկապես ...Ավելին...

Կուռքերի դարն անցել է, իսկ հերոսները լուրջ քննության առջև են կանգնած

16/07/2018 Բաժին՝ ՀրապարակումներՔաղաքականություն
Հերոսներ ու կուռքեր կերտելու և նրանց ֆետիշացնելու ճանապարհին պետք է հաշվի առնել ընթացիկ միջավայրն ու պայմանները: ...Ավելին...

ՄԱՐԴԱՍԻՐԱԿԱՆ ՕԳՆՈւԹՅՈւՆ ԱՄՆ-ԻՑ` ԱՐՑԱԽԻՆ | «Ճամփորդ»

29/06/2018 Բաժին՝ Հարցազրույցներ և ելույթներՔաղաքականություն
Հարցազրույցս՝ «Ճամփորդ»-ին: 1998 թվականից սկսած ԱՄՆ-ը հատկացնում է մարդասիրական օգնություն Արցախին` հիմնականում առողջապահական ծրագրերի, անվտանգության (ականազերծում), գյուղատնտեսության ...Ավելին...

100 ամյա հայկական պետականության անցյալը և ներկան | artsakhtimes.am

02/06/2018 Բաժին՝ Հարցազրույցներ և ելույթներՄուլտիմեդիաՔաղաքականություն
Արցախթայմս էլեկտրոնային հեռուստատեսության «Ֆորում» հաղորդաշարի հյուրերից մեկն եմ: Քննարկում ենք հայոց պետականության 100-ամյա ընթացքին վերաբերող որոշ ...Ավելին...

Ողջույն Արցախ. Արտակ Բեգլարյան, Թամար Սարգսյան՝ պարի միջազգային օրվա առթիվ | ԱՀ հեռուստատեսություն

27/04/2018 Բաժին՝ Հարցազրույցներ և ելույթներՄշակույթՄուլտիմեդիա
Պարի միջազգային օրվա առթիվ, որը նշվում է ապրիլի 29-ին, ես ու Թամար Սարգսյանը, որպես «Տնջրե» ավանդական ...Ավելին...