Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

No images found!
Try some other hashtag or username

Բաժանորդագրվել

Email հասցե*

Արտակ Բեգլարյանը հայց է ներկայացնելու ընդդեմ ԱԳՆ Դիվանագիտական դպրոցի. հարցազրույց hetq.am-ին


Ամսաթիվ՝ 15/10/2012 Բաժին՝ Կրթություն և գիտություն, Հարցազրույցներ և ելույթներ

Hetq.am-ի լրագրող Սոնա Ավագյանի հերթական անդրադարձը ՀՀ ԱԳՆ դիվանագիտական դպրոցի դեմ իմ հայցի վերաբերյալ:
Վճռաբեկ դատարանը, դատավոր Ելենա Սողոմոնյանի նախագահությամբ, վերադարձրել է հայցվոր Արտակ Բեգլարյանի բողոքը և անփոփոխ թողնել վարչական վերաքննիչ դատարանի վճիռը: Գործով պատասխանող կողմ են արտաքին գործերի և ֆինանսների նախարարությունները:
Հիշեցնենք, որ հայցվոր Արտակ Բեգլարյանը, ով վաղ տարիքում կորցրել է տեսողությունը, դիմել էր արտգործնախարարի կառավարման ներքո գտնվող Դիվանագիտական դպրոցում դասընթացներին մասնակցելու նպատակով քննություններ հանձնելու և ուսումը շարունակելու համար: Սակայն հայցվորին հայտնել էին, որ արտգործնախարարը՝ ի դեմ Դիվանագիտական դպրոցի, որոշել է մերժել հայցվորի դիմումի ընդունումը՝ պայմանավորված իր կուրությամբ:
Արտակ Բեգլարյանը վարչական դատարանից պահանջում էր վերացնել իր դիմումը մերժելու ԱԳՆ-ի որոշումը, որպես իրենց պատճառված բարոյական վնասի մասնակի փոխհատուցում՝ ՀՀ-ից բռնագանձել 1 դրամ, վերացնել ԱԳՆ-ի կառավարման ներքո գործող Դիվանագիտական դպրոց ընդունվելու հնարավորության ապօրինի սահմանափակումը, պարտավորեցնել ԱԳՆ-ին իրականացնել իր ընդունելության քննությունը կամ իրեն ընդունված համարել Դիվանագիտական դպրոց:
Իսկ պատասխանող կողմը պնդում էր, որ ԱԳՆ-ն այս գործով չի կարող պատասխանող հանդես գալ, քանի որ հայցվորի վերաբերյալ որևէ վարչական ակտ չի ընդունել և պատասխանատվություն չի կրում Դիվանագիտական դպրոցի՝ դասընթացի մասնակցության մրցույթի հետ կապված գործողությունների համար:
Ավելին, պատասխանող կողմը, այս գործով պատասխանող լինելու պարագայում, հայցվորի դիմումի մերժման հիմքում կարող էր դնել կառավարության 2002թ. փետրվարի 13-ի որոշումը, ըստ որի՝ սահմանված են այն սահմանափակումներն ու հիվանդությունները, որոնք խոչընդոտում են ծառայողական պարտականությունների ու լիազորությունների կատարմանը: Այդ սահմանափակումների ու հիվանդությունների ցանկում ներառված է նաև կուրությունը:
2011թ. հոկտեմբերին վարչական դատարանը մերժել էր Արտակ Բեգլարյանի հայցը: 2012-ի հունիսին վարչական վերաքննիչ դատարանը անփոփոխ էր թողել վարչական դատարանի վճիռը:
Վճռաբեկ դատարանին ուղղված հայցում Արտակ Բեգլարյանը պատճառաբանել է, որ ոչ ինքը, ոչ էլ իր ներկայացուցիչը չեն ստացել վերաքննիչ դատարանի որոշումը, իսկ այդ որոշման բովանդակությանը ծանոթացել են datalex.am կայքում տեղադրված այդ որոշման ոչ պաշտոնական տեքստից դրա հրապարակման պահից 2 շաբաթ անց: Ուստի հայցվորը Վճռաբեկ դատարանից պահանջում էր հարգելի ճանաչել վարչական վերաքննիչ դատարանի որոշման դեմ վճռաբեկ բողոք բերելու համար սահմանված ժամկետը բաց թողնելու պատճառը, վերականգնել բաց թողնված ժամկետը և բեկանել վերաքննիչ դատարանի որոշումը:
Մինչդեռ Վճռաբեկ դատարանը նշել է, որ վերաքննիչ դատարանի՝ 2012թ. հունիսի 4-ի որոշումն ուղարկելու վերաբերյալ գործում առկա գրությամբ և այդ որոշումը ստանալու վերաբերյալ փոստային ծանուցագրով հաստատվում է, որ վերաքննիչ դատարանի որոշումն Արտակ Բեգլարյանին է ուղարկվել հունիսի 5-ին և ստացվել հունիսի 12-ին: Ուստի Վճռաբեկը համարել է, որ Արտակ Բեգլարյանը որևէ հիմնավոր ապացույց չի ներկայացրել, որ այդ ժամկետը բաց է թողել հարգելի պատճառով:
Արտակ Բեգլարյանը «Հետքին» հայտնեց, որ պատրաստվում է նոր հայց ներկայացնել դատարան՝ այս անգամ Դիվանագիտական դպրոցի դեմ:
Արտակ Բեգլարյանը գերազանցությամբ ավարտել է Երևանի պետական համալսարանի միջազգային հարաբերությունների ֆակուլտետի բակալավրիատը: Իր կուրության պատճառով՝ Հայաստանի արտգործնախարարի կառավարման ներքո գտնվող Դիվանագիտական դպրոցում սովորելու հնարավորությունից զրկվելուց հետո Արտակը մեկ տարի ուսանել է Անգլիայում:
Դիվանագիտական դպրոցի՝ տեսողությունը կորցրած ուսանողի դիմումը մերժելու դեպքին է անդրադարձել նաև 2011թ. Հայաստանում մարդու իրավունքների վերաբերյալ ԱՄՆ պետքարտուղարության զեկույցը:


Reddit

Պիտակներ՝ | | |

ԱՇԽԱՏԱՆՔԻՑ ՀԵՏՈ /ԱՐՏԱԿ ԲԵԳԼԱՐՅԱՆ/ 07.08.2018 | ԱՀ հեռուստատեսություն

08/08/2018 Բաժին՝ Հարցազրույցներ և ելույթներՄուլտիմեդիա
Արցախի հանրային հեռուստատեսության «Աշխատանքից հետո» հաղորդաշարի եթերում խոսում ենք իմ հետաքրքրությունների և ընտանեկան վերջին փոփոխությունների (հատկապես ...Ավելին...

Կուռքերի դարն անցել է, իսկ հերոսները լուրջ քննության առջև են կանգնած

16/07/2018 Բաժին՝ ՀրապարակումներՔաղաքականություն
Հերոսներ ու կուռքեր կերտելու և նրանց ֆետիշացնելու ճանապարհին պետք է հաշվի առնել ընթացիկ միջավայրն ու պայմանները: ...Ավելին...

ՄԱՐԴԱՍԻՐԱԿԱՆ ՕԳՆՈւԹՅՈւՆ ԱՄՆ-ԻՑ` ԱՐՑԱԽԻՆ | «Ճամփորդ»

29/06/2018 Բաժին՝ Հարցազրույցներ և ելույթներՔաղաքականություն
Հարցազրույցս՝ «Ճամփորդ»-ին: 1998 թվականից սկսած ԱՄՆ-ը հատկացնում է մարդասիրական օգնություն Արցախին` հիմնականում առողջապահական ծրագրերի, անվտանգության (ականազերծում), գյուղատնտեսության ...Ավելին...

100 ամյա հայկական պետականության անցյալը և ներկան | artsakhtimes.am

02/06/2018 Բաժին՝ Հարցազրույցներ և ելույթներՄուլտիմեդիաՔաղաքականություն
Արցախթայմս էլեկտրոնային հեռուստատեսության «Ֆորում» հաղորդաշարի հյուրերից մեկն եմ: Քննարկում ենք հայոց պետականության 100-ամյա ընթացքին վերաբերող որոշ ...Ավելին...

Ողջույն Արցախ. Արտակ Բեգլարյան, Թամար Սարգսյան՝ պարի միջազգային օրվա առթիվ | ԱՀ հեռուստատեսություն

27/04/2018 Բաժին՝ Հարցազրույցներ և ելույթներՄշակույթՄուլտիմեդիա
Պարի միջազգային օրվա առթիվ, որը նշվում է ապրիլի 29-ին, ես ու Թամար Սարգսյանը, որպես «Տնջրե» ավանդական ...Ավելին...