Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

No images found!
Try some other hashtag or username

Բաժանորդագրվել

Email հասցե*

Քանի դեռ դու ուժեղ չես, քո կողքին ոչ ոք չի լինելու. Արտակ Բեգլարյան | հարցազրույց yerkir.am-ին


Ամսաթիվ՝ 20/04/2016 Բաժին՝ Հարցազրույցներ և ելույթներ, Քաղաքականություն

ԼՂՀ վարչապետի մամուլի քարտուղար Արտակ Բեգլարյանի համոզմամբ` ապրիլյան ագրեսիվ գործողությունները սանձազերծելով, Ադրբեջանը նպատակ է ունեցել մեծ հաջողությունների հասնել ռազմական ու քաղաքական դաշտում, փորձելով աշխարհաքաղաքական ու տնտեսական ինչ-ինչ հարցեր նկատի ունենալով, իր ուզած ձևով լուծել ԼՂ հարցը:
Yerkir.am-ի հետ զրույցում անդրադառնալով ապրիլի սկզբին տեղի ունեցած ռազմական գործողություններին` նա նշեց, որ Պաշտպանության բանակը հաջող պաշտպանություն կազմակերպեց, անհրաժեշտ հակահարվածը տվեց, որի արդյունքում կարողացանք պաշտպանել մեր սահմանները: «Մենք  Ադրբեջանին լուրջ մարդկային ու զինտեխնիկայի կորուստներ պատճառեցինք»,- ասաց Արտակ Բեգլարյանը:
Հարցին` ետադարձ հայացքով այդ դեպքերը վերլուծելիս կարո՞ղ ենք ասել, որ ունեցել ենք թերացումներ, նա պատասխանեց, որ թեև ռազմական գործի մասնագետ չէ, սակայն կյանքի ցանկացած դեպքի կարող ենք հետ հայացք գցել ու գտնել թերացումներ` ասելով, որ կարող էինք ամեն ինչ ավելի լավ կազմակերպել:
«Բայց եղավ այն, ինչ եղավ, և ամենակարևորն այն է, որ մերոնք կարողացան պաշտպանել մեր սահմանները: Գուցե ավելի քիչ զոհ կարող էինք ունենալ, գուցե մեկ դիրք քիչ կարող էինք կորցնել, բայց հետևությունները պետք է անեն հենց ռազմական գործիչները և հետագայում փորձեն բարձրացնել արդյունավետությունը»,- ասաց Արտակ Բեգլարյանը:
Ինչ վերաբերում է հասարակության արդարացի բողոքին, որ պետք էր շատ զինել բանակը, նա նշեց, որ համամիտ է` միանշանակ, պետք է զինել բանակը:
«Ամբողջ Արցախը պետք է զինված լինի, ամբողջ հայությունը պետք է զինված լինի, իսկ Պաշտպանության բանակը այնքան պետք է ապահովված լինի համապատասխան զենք-զինամթերքով, որ կարիքի դեպքում պահեստազորն էլ պատրաստ լինի: Մեր անվտանգության երաշխիքը հենց դա է, այլ ոչ թե միջազգային հանրությունը, դիվանագետներն ու քաղաքական գործիչները»,- ասաց Արտակ Բեգլարյանը` հավելելով, որ այս օրերին տեսանք, որ միջազգային հանրություն կոչվածը ոչ միայն մեր կողքին չէ, այլև ոչ մի երկրի կողքին չէ: Ըստ նրա` քանի դեռ դու ուժեղ չես, քո կողքին ոչ ոք չի լինելու, հետևաբար` հենց ինքերս պետք է պաշտպանենք մեր սահմանները:
ԼՂՀ վարչապետի խոսնակը համաձայնեց, որ զինվելու համար մեծ գումարներ են պետք, և կարվեն բոլոր հետևությունները` իրականացնելու գումարների արդյունավետ կառավարում և ուղղելու գումարները դեպի բանակ:
Հարցին, թե ինչպե՞ս է վերաբերվում կուլակաթափության վերաբերյալ զայրացած կոչերին, Արտակ Բեգլարյանը պատասխանեց, որ պետք է նախ հստակեցնել, թե ինչ է պատկերացնում ինքը` կուլակաթափություն ասելով:
«Մեր սոցիալ-հասարակական-տնտեսական կարգը չի ենթադրում կուլակաթափություն և բոլորի միջև արհեստական հավասարություն: Մենք ընտրել ենք շուկայական հարաբերություններ, մարդիկ կարող են հաջողություններ ունենալ բիզնես բնագավառում, բայց հասկանում ենք, որ կան լուրջ խնդիրներ հասարակության մեջ: Եթե մենք արտակարգ իրավիճակներում կարողանանք ինչ-որ փոփոխություններ մտցնել ու խաղի հավասար կանոններ մշակել, կարծում եմ` շատ խնդիրներ կարող են լուծվել: Կողմ եմ, որ կուլակաթափություն չլինի, բայց խոշոր բիզնեսմենները գոնե բարոյական պարտավորվածություն ունենան մեր բանակին զենք տալու, և թող սա դառնա նրանց նախկին մեղքերի ինդուլգենցիա»,- ասաց նա:


Reddit

Պիտակներ՝ | |

19-րդ դարում Շուշին ավելի շատ բնակչություն ուներ, քան Երևանը. հետաքրքիր փաստեր

23/09/2018 Բաժին՝ ՀրապարակումներՔաղաքականություն
• Վերջերս ընթերցեցի Ռուբեն Տեր-Գասպարյանի «Շուշի քաղաքը» գիրքը, որտեղ համապարփակ տեղեկատվություն կա 18-19-րդ դարերի և 20-րդ դարի ...Ավելին...

ԽԻՍՏ ԿԵՐՊՈՎ ՊԵՏՔ Է ՄԵԿԸՆԴՄԻՇՏ ԱՐԳԵԼՎԻ ԼԵԿՑԻԱՅԻ ԹԵԼԱԴՐՈՒԹՅՈՒՆԸ ՀԱՄԱԼՍԱՐԱՆՆԵՐՈՒՄ.

05/09/2018 Բաժին՝ Կրթություն և գիտությունՀրապարակումներՔաղաքականություն
Քանի որ կրկին սեպտեմբեր է, ու ես էլ պատրաստվում եմ վերսկսել իմ դասավանդումը համալսարանում, նորից հիշեցի ...Ավելին...

«Արցախի կույրերի միավորման» նախագահ ընտրվելով մեծ պատասխանատվություն եմ ստանձնել

25/08/2018 Բաժին՝ ԱյլքՀրապարակումներ
Այսօր տեղի ունեցավ Արցախի կույրերի միավորման համագումարը, որի կողմից ես ընտրվեցի կազմակերպության նախագահ: Պատասխանատու և դժվար պարտավորություն ...Ավելին...

ԱՇԽԱՏԱՆՔԻՑ ՀԵՏՈ /ԱՐՏԱԿ ԲԵԳԼԱՐՅԱՆ/ 07.08.2018 | ԱՀ հեռուստատեսություն

08/08/2018 Բաժին՝ Հարցազրույցներ և ելույթներՄուլտիմեդիա
Արցախի հանրային հեռուստատեսության «Աշխատանքից հետո» հաղորդաշարի եթերում խոսում ենք իմ հետաքրքրությունների և ընտանեկան վերջին փոփոխությունների (հատկապես ...Ավելին...

Կուռքերի դարն անցել է, իսկ հերոսները լուրջ քննության առջև են կանգնած

16/07/2018 Բաժին՝ ՀրապարակումներՔաղաքականություն
Հերոսներ ու կուռքեր կերտելու և նրանց ֆետիշացնելու ճանապարհին պետք է հաշվի առնել ընթացիկ միջավայրն ու պայմանները: ...Ավելին...