Հետևե՛ք ինձ Facebook-ում

Հետևեք ինձ Twitter-ում

Հետևեք ինձ Instagram-ում

No images found!
Try some other hashtag or username

Բաժանորդագրվել

Email հասցե*

«Գեղեցկություն մոխիրներից» խորագրով հայկական մշակույթի երեկո Լոնդոնում բարոնուհի Կոքսի գլխավորությամբ


Ամսաթիվ՝ 12/11/2011 Բաժին՝ Մշակույթ

Նոյեմբերի 11-ին HART (Humanitarian Aid Relief Trust) հիմնադրամը՝ բարոնուհի Քերոլայն Կոքսի գլխավորությամբ Լոնդոնում կազմակերպել էր հայկական մշակույթի երեկո՝ «գեղեցկություն մոխիրներից» խորագրով: Ներկա էին Մեծ Բրիտանիայում ՀՀ դեսպան Կարինե Ղազինյանը, ՀՀ-ում Մեծ Բրիտանիայի դեսպան Ջոնաթան Ջեյմս Ավեսը, հայ բարեգործական ընդհանուր միության պաշտոնական ներկայացուցիչ, տեղի հայ համայնքի ու ուսանողության ներկայացուցիչներ, ինչպես նաև հայկական մշակույթով հետաքրքրված անգլիացիներ:
Երեկոյի մասնակիցները դիտեցին ցուցահանդես-վաճառքում ներկայացված՝ նկարիչ Նաիրի Աֆրիկյանի և լուսանկարիչ Անդրյու Ֆիլիպի աշխատանքները, որոնք հիմնականում Արցախի թեմայով էին: Հայազգի երիտասարդ կատարողներ Թերեզա Գևորգյանը (վոկալ), Անի Կարապետյանը (ջութակ), Տիգրան Գրիգորյանը (դաշնամուր) և Վարազդատ Խաչատրյանը (դաշնամուր) անզուգական կերպով ներկայացրեցին Կոմիտասի, Բաբաջանյանի և Խաչատրյանի գործերից: Ընթացքում մասնակիցները նաև համտեսեցին հայկական ուտեստներ:
Բարոնուհի Կոքսն իր խոսքում հպանցիկ ներկայացրեց իր գլխավորած HART հիմնադրամի գործունեությունը Արցախում և կարևորեց հետպատերազմյան Արցախում բնակվող հաշմանդամների վերականգնողական աշխատանքների արդյունավետությունը: Հայաստանի և հատկապես Արցախի նվիրյալ բարեկամը բազմիցս ընդգծեց իր հիացմունքը հայ ժողովրդի աննկուն ոգու նկատմամբ՝ շեշտելով, որ նույնիսկ պատերազմի թեժ պահերին նա հաճախ է ականատես եղել հայերի անմար սիրուն ու ձգտմանը դեպի մշակույթն ու արվեստը: Դեսպան Կարինե Ղազինյանն իր խոսքում երախտիքի խոսք հղեց բարոնուհուն իր հայանպաստ ծավալուն գործունեության համար՝ կարևորելով ինչպես Արցախին ցուցաբերած աջակցությունը, այնպես էլ Մեծ Բրիտանիայում հայօգուտ քարոզչական աշխատանքները:
Ես, որպես օտարությունում գտնվող հայ, այնտեղ ինձ ամբողջությամբ զգացի պարուրված հայկականությամբ, որտեղ իր զգալի չափաբաժինն ունեցան կոմիտասյան երգերի զմայլելի կատարումները՝ ջութակի և դաշնամուրի պրոֆեսիոնալ նվագակցությամբ:


Reddit

Պիտակներ՝ | |

Կույրը կարող է ոչ միայն դիվանագետ, այլ նաև՝ զինվորական լինել

10/10/2018 Բաժին՝ ՀրապարակումներՔաղաքականություն
Պարզվում է՝ այսօր ՀՀ կառավարության նիստում քննարկել են մի որոշման նախագիծ, որով ցանկանում էին իներցիոն կերպով ...Ավելին...

Փաշինյան-Ալիև պայմանավորվածության ադրբեջանական հնարավոր դրդապատճառները

01/10/2018 Բաժին՝ ՀրապարակումներՔաղաքականություն
Փաշինյան-Ալիև դուշանբեյան պայմանավորվածությունը, ընդհանուր առմամբ, դրական զարգացում է՝ առնվազն առաջին հայացքից ու կարճաժամկետ կտրվածքում (գլխավորապես որոշ ...Ավելին...

19-րդ դարում Շուշին ավելի շատ բնակչություն ուներ, քան Երևանը. հետաքրքիր փաստեր

23/09/2018 Բաժին՝ ՀրապարակումներՔաղաքականություն
• Վերջերս ընթերցեցի Ռուբեն Տեր-Գասպարյանի «Շուշի քաղաքը» գիրքը, որտեղ համապարփակ տեղեկատվություն կա 18-19-րդ դարերի և 20-րդ դարի ...Ավելին...

ԽԻՍՏ ԿԵՐՊՈՎ ՊԵՏՔ Է ՄԵԿԸՆԴՄԻՇՏ ԱՐԳԵԼՎԻ ԼԵԿՑԻԱՅԻ ԹԵԼԱԴՐՈՒԹՅՈՒՆԸ ՀԱՄԱԼՍԱՐԱՆՆԵՐՈՒՄ.

05/09/2018 Բաժին՝ Կրթություն և գիտությունՀրապարակումներՔաղաքականություն
Քանի որ կրկին սեպտեմբեր է, ու ես էլ պատրաստվում եմ վերսկսել իմ դասավանդումը համալսարանում, նորից հիշեցի ...Ավելին...

«Արցախի կույրերի միավորման» նախագահ ընտրվելով մեծ պատասխանատվություն եմ ստանձնել

25/08/2018 Բաժին՝ ԱյլքՀրապարակումներ
Այսօր տեղի ունեցավ Արցախի կույրերի միավորման համագումարը, որի կողմից ես ընտրվեցի կազմակերպության նախագահ: Պատասխանատու և դժվար պարտավորություն ...Ավելին...